ZONA PARTY:
Cando
Do 13 ao 15 de outubro de 2023
Onde
Pavillóns 1 e 2 da Feira Internacional de Galicia ABANCA (Silleda)
Enderezo:
Avda. Recinto Feiral S/N
36540 Silleda - Pontevedra
Como chegar
Cordenadas de GPS: 42.7044-8.243687
Acreditación
A acreditación comezará el Xoves 12 ás 16:00 e rematará o Domingo 15 ás 17:00 no seguinte horario:
| Xoves 12 |
16:00 | 22:00 |
| Venres 13 | 10:00 | 22:00 |
| Sábado 14 | 10:00 | 22:00 |
| Domingo 15 | 10:00 | 17:00 |
Información sobre a zona de descanso
A zona de descanso estará dispoñible a partir do día 12. O recinto deberá ser abandonado o día 15 tras a finalización do evento.
Cada participante deberá levar o seu propio material de acampada (saco de durmir, esterilla, colchón inchable ou tenda de campaña).
Non se poderán utilizar cordas para a suxeición das tendas de campaña, é dicir, estas deberán ser de tipo automontable.
Así mesmo, as tendas e os colchóns deberán ser do tamaño máis reducido posible, é dicir, deberán gardar relación co número de persoas que as vaian a utilizar.
Non se poderán instalar tendas ou colchóns que non cumpran estas condicións, a non ser que se deba a razóns xustificadas e fose excepcionalmente autorizado pola organización.
Esperamos que se todos atendedes a esta solicitude non teñamos dificultades de espazo. De calquera modo, se se xerasen problemas porque algún participante ignorase as indicacións expostas esta organización verase na obriga de pedir aos responsables a retirada dos elementos que os causasen. Agradecémosvos a vosa colaboración de antemán.
Servizo de ducha
Duchas situadas no Pavillón 2.
As duchas permanecerán pechadas durante as seguintes horas:
10:00 - 11:00
14:00 - 15:00
19:00 - 20:00
00:00 - 07:00
Entradas de día
Hai dúas modalidades de estar na XGN R Encounter: adquirir unha entrada para os 3 días polo proceso habitual, ou adquirir unha entrada de día. O prezo da entrada de día é de 10 € e poderá ser adquirida no mostrador de acreditación, dentro do seu horario de validez.
A validez das entradas de día é de 10:00 a 22:00, e só existirán os días 13 e 14 de Outubro (venres e sábado).
A entrada de día non dá dereito a conectar un computador na party.
Ademais a XGN R Encounter conta cunha zona aberta, de acceso gratuíto, tanto para os asistentes á party como ao público xeral.
